വിവിധ ആവശ്യങ്ങള്‍ ഉന്നയിച്ച് ടി.ഡി.എഫിന്റെ (ട്രാന്‍സ്പോര്‍ട്ട് ഡെമോക്രാറ്റിക് ഫെഡറേഷന്‍) നേതൃത്വത്തില്‍ കെ.എസ്.ആര്‍.ടി.സി ജീവനക്കാര്‍ ജനുവരി 5ന് പണിമുടക്കും. കുടിശ്ശികയുള്ള 49 ശതമാനം ഡി.എയില്‍ പരമാവധി തുക നല്‍കുക, സര്‍ക്കാര്‍ തടഞ്ഞുവച്ചിരിക്കുന്ന 256 പ്രൊമോഷനുകള്‍ നടപ്പാക്കുക, എട്ടുവര്‍ഷം സര്‍വീസുള്ള എംപാനല്‍കാരെ സ്ഥിരപ്പെടുത്തുക, ജീവനക്കാര്‍ക്ക് യൂണിഫോം നല്‍കുക, തൊഴിലാളി പീഡനം അവസാനിപ്പിക്കുക തുടങ്ങിയ ആവശ്യങ്ങളാണ് ഉന്നയിച്ചിട്ടുള്ളത്.

Source: KeralaKoumudi

ചൊവ്വാഴ്ച ബിഎംഎസ് നടത്തിയ ഹര്‍ത്താലില്‍ കെഎസ്ആര്‍ടിസിക്ക് മൂന്നരക്കോടി രൂപയുടെ നഷ്ടം. നാശനഷ്ടത്തെക്കുറിച്ചുള്ള പ്രാഥമിക കണക്കുകള്‍ മാത്രമാണിത്. പൂര്‍ണമായ വിവരങ്ങള്‍ പുറത്തുവരുന്നതോടെ ഇത് ഇനിയും വര്‍ധിക്കുമെന്നു കെഎസ്ആര്‍ടിസി അധികൃതര്‍. 50 ബസുകള്‍ക്കു നേരെയാണു ഹര്‍ത്താല്‍ ദിനത്തില്‍ അക്രമമുണ്ടായത്. കളക്ഷന്‍റെ കാര്യത്തിലും വന്‍ ഇടിവുണ്ടായി. കഴിഞ്ഞ ചൊവ്വാഴ്ച ലഭിച്ച കളക്ഷനുമായി താരതമ്യം ചെയ്യുമ്പോള്‍ 2.3 കോടിയുടെ കുറവ്. ഒരു കോടി മുപ്പതു ലക്ഷം രൂപ മാത്രമായിരുന്നു ചൊവ്വാഴ്ചത്തെ കളക്ഷന്‍.

കല്ലേറില്‍ തകര്‍ന്ന ബസുകള്‍ അറ്റകുറ്റപ്പണി പൂര്‍ത്തിയാക്കി പുറത്തിറങ്ങാന്‍ ആഴ്ചകള്‍ വൈകും. ഈ ബസുകളുടെ സര്‍വീസ് മുടങ്ങുന്നതു വഴി പ്രതിദിനം രണ്ടരലക്ഷം രൂപയുടെ നഷ്ടവും കെഎസ് ആര്‍ ടിസിക്കുണ്ടാകും.

News Source: MetroVartha