കെ.എസ്.ആര്.ടി.സി. വളര്ച്ചയില് മുഖ്യപങ്ക് ജീവനക്കാര്ക്ക് - മാത്യു ടി.തോമസ്
Posted by Sujith Bhakthan at Wednesday, 10 June 2009
കോഴിക്കോട്: നഷ്ടത്തിലായിരുന്ന കെ.എസ്.ആര്.ടി.സി.യെ മെച്ചപ്പെട്ട നിലയിലേക്ക് വളര്ത്തുന്നതില് മുഖ്യപങ്ക് വഹിച്ചത് സ്ഥാപനത്തിലെ ജീവനക്കാരാണെന്ന് മുന്ഗതാഗതമന്ത്രി മാത്യു ടി.തോമസ് എം.എല്.എ. പറഞ്ഞു.
കെ.എസ്.ആര്.ടി.സി. ലേബര് യൂണിയന് സംസ്ഥാന സമ്മേളനം ഉദ്ഘാടനംചെയ്യുകയായിരുന്നു അദ്ദേഹം. ലാഭകരമായ റൂട്ടുകളില്നിന്ന് പിന്മാറിയശേഷം കെ.എസ്.ആര്.ടി.സി. രക്ഷപ്പെടില്ല എന്ന് ആക്ഷേപിക്കുന്നത് ശരിയല്ല. കേരളത്തില് ഗതാഗതരംഗത്ത് 87 ശതമാനവും സ്വകാര്യബസ്സുകളാണ്. 13 ശതമാനംമാത്രമേ കെ.എസ്.ആര്.ടി.സി. സര്വീസ് ഉള്ളൂ. മറ്റ് സംസ്ഥാനങ്ങളില് 90 ശതമാനംവരെ ട്രാന്സ്പോര്ട്ട് കോര്പ്പറേഷന് ബസുകളാണ് സര്വീസ് നടത്തുന്നത്- മാത്യു ടി.തോമസ് പറഞ്ഞു.
യൂണിയന് വര്ക്കിങ് പ്രസിഡന്റ് പി.ശാര്ങ്ധരന്നായര് അധ്യക്ഷതവഹിച്ചു. സി.ഐ.ടി.യു. ജില്ലാ സെക്രട്ടറി ടി.ദാസന്, എ.ഐ.ടി.യു.സി. നേതാവ് കെ.എം.കുട്ടികൃഷ്ണന്, തകിടി കൃഷ്ണന്നായര്, കെ.ലോഹ്യ എന്നിവര് സംസാരിച്ചു.
സ്വാഗതസംഘം കണ്വീനര് കെ.രാജന് സ്വാഗതം പറഞ്ഞു. തുടര്ന്നുനടന്ന സെമിനാറില് എം.കെ.പ്രേംനാഥ് എം.എല്.എ., സിവിക് ചന്ദ്രന്, വിജയരാഘവന് ചേലിയ എന്നിവര് സംസാരിച്ചു. പി.ശാര്ങ്ധരന്നായര് അധ്യക്ഷതവഹിച്ചു. ഇ.എസ്.ശശിധരന് സ്വാഗതവും പി.എസ്.സുധീരന് നന്ദിയും പറഞ്ഞു.
