ദീര്ഘദൂര സര്വീസുകള് നിലയ്ക്കുന്നു; യാത്രക്കാര് പെരുവഴിയില്
Posted by Sujith Bhakthan at Friday, 5 June 2009
തിരുവനന്തപുരം പോലുള്ള റൂട്ടുകളില് കാലപ്പഴക്കം ചെന്ന ബസുകള് സര്വീസിന് ഉപയോഗിക്കുന്നതാണ് പ്രശ്നമാകുന്നത്. കട്ടപ്പനയില് നിന്ന് തൊടുപുഴ വഴി തിരുവനന്തപുരത്തിനുള്ള അവസാന ട്രിപ്പാണ് അവഗണനയുടെ തീരാച്ചുഴിയില് അകപ്പെട്ട് കിതയ്ക്കുന്നത്.
പുതിയ മോഡല് ബസുകള് ഡിപ്പോയില് കാത്തു കിടക്കുമ്പോഴാണ് ദീര്ഘദൂര സര്വീസുകള്ക്ക് പഴയ ബസ് നല്കുന്നത്. ബസ് അനുവദിക്കുന്ന കാര്യത്തില് വെഹിക്കിള് സൂപ്പര്വൈസര്മാര് മാനദണ്ഡമാക്കുന്നത് ജീവനക്കാരുടെ സ്വാധീനമാണത്രെ. ഷട്ടില് ട്രിപ്പുകളില് മോഡല് കൂടിയ ബസ് നല്കുകയും സ്വാധീനമുള്ള ജീവനക്കാര്ക്ക് ഈ ബസുകളില് ഡ്യൂട്ടി നല്കുന്നതും പതിവാണ്.
എം പാനല് വ്യവസ്ഥയില് ജോലി ചെയ്യുന്ന കണ്ടക്ടര്മാരെയും ഡ്രൈവര്മാരെയും ദീര്ഘദൂര റൂട്ടുകളില് നിയമിച്ച ശേഷം ഇവര്ക്ക് പഴയ വണ്ടി നല്കുന്ന സമീപനമാണ് അടുത്തകാലത്ത് തുടരുന്നത്. കട്ടപ്പന-തൊടുപുഴ-തിരുവനന്തപു
കഴിഞ്ഞ ദിവസം പാതിവഴിയില് ഈ ട്രിപ്പ് മുടങ്ങുകയും ചെയ്തു. അവസാന സര്വീസ് ആയതിനാല് യാത്രക്കാര് പെരുവഴിയിലാകുകയായിരുന്നു. അവസാന ബസ് കാത്തുനിന്ന നിരവധി യാത്രക്കാരാണ് ഇതുമൂലം വലഞ്ഞത്. 25,000 രൂപ കളക്ഷനുള്ള ബസാണിത്. സര്വീസ് തുടങ്ങിയ സമയത്ത് പുതിയ ബസാണ് ഈ റൂട്ടില് ഓടിച്ചിരുന്നത്.
എന്നാല് വെഹിക്കിള് സൂപ്പര്വൈസര്മാരുടെ ഇഷ്ടക്കാര്ക്ക് പുതിയ ബസ് നല്കുന്നതിനായി തിരുവനന്തപുരം സര്വീസിന് പഴയ ബസ് മാറ്റി നല്കുകയായിരുന്നു
