ഡീസല് നിറയ്ക്കാന് സൗകര്യമില്ല: കട്ടപ്പന ഡിപ്പോയിലെ കെ.എസ്.ആര്.ടി.സി. സര്വീസുകള് കട്ടപ്പുറത്ത
Posted by Sujith Bhakthan at Saturday, 8 August 2009
ഏറെ ലാഭകരമായി നടത്തിയിരുന്ന കട്ടപ്പന-കമ്പം അന്തര് സംസ്ഥാന സര്വീസുകളെയാണ് ഇതു കൂടുതലായി ബാധിച്ചിട്ടുള്ളത്. ഡീസല് ഇല്ലെന്ന ഒറ്റകാരണം കൊണ്ടുമാത്രം പലപ്പോഴും സര്വീസുകള് മുടങ്ങുന്ന സ്ഥിതിയാണ് ഇപ്പോഴുള്ളത്. കട്ടപ്പന ഡിപ്പോയില് പമ്പ് അനുവദിക്കണമെന്ന വര്ഷങ്ങളായുള്ള ആവശ്യം ഇനിയും അംഗീകരിക്കപ്പെട്ടിട്ടില്ല.
സര്വീസിനിടെ മറ്റ് ഡിപ്പോകളില് നിന്നാണ് കട്ടപ്പനയിലെ ബസുകള് ഇന്ധനം നിറയ്ക്കുന്നത്. കട്ടപ്പന-കമ്പം സര്വീസുകള് ഈ ആവശ്യത്തിനായി കുമളി ഡിപ്പോയെയാണ് ആശ്രയിക്കുന്നത്. ഈ റൂട്ടില് മറ്റ് ഡിപ്പോകളില്ലാത്തതിനാല് ഇവിടെ നിന്നു മാത്രമായി ഇന്ധനം നിറയ്ക്കല് പരിമിതപ്പെടുത്തേണ്ടതായും വരുന്നു. ബസുകള് എത്തുമ്പോള് കുമളി ഡിപ്പോയില് ഡീസല് ഇല്ലാതെ വരുന്നതാണ് ഇപ്പോഴത്തെ പ്രതിസന്ധിയ്ക്ക് കാരണമായത്.
കേരള-തമിഴ്നാട് അന്തര് സംസ്ഥാന കരാര് അനുസരിച്ച് 260 കിലോമീറ്ററാണ് കട്ടപ്പന ഡിപ്പോയ്ക്ക് അനുവദിച്ചിട്ടുള്ളത്. രണ്ടു ബസുകള് കൊണ്ട് പത്തു ട്രിപ്പുകളാണ് ഇപ്പോള് സര്വീസ് നടത്തുന്നത്. ചുരുങ്ങിയ കാലം കൊണ്ടുതന്നെ മികച്ച കളക്ഷനോടെ സര്വീസ് ലാഭത്തിലെത്തിയിരുന്നു. എന്നാല് പമ്പില്ലാത്തതിനാല് ദീര്ഘദൂര സര്വീസുകളും മുടങ്ങുന്നത് കട്ടപ്പനയില് പതിവാണ്. പമ്പു തുടങ്ങാന് പ്രാഥമിക നടപടികള് തുടങ്ങിയെങ്കിലും തുടര് നടപടി ഉണ്ടായിട്ടില്ല
