കൊച്ചിയിലെ 'ലോ ഫേ്ളാര്' ബസ്സുകള്കൂടി തലസ്ഥാനത്തേക്ക്
Posted by Sujith Bhakthan at Wednesday, 21 October 2009
വെള്ളിയാഴ്ച ആദ്യ എട്ടു ബസ്സുകള് കെ.എസ്.ആര്.ടി.സി യുടെ പാപ്പനംകോട് സെന്ട്രല് ഡിപ്പോയിലെത്തിച്ചു. രണ്ട് ദിവസത്തിനകം ഏഴു ബസ്സുകള്കൂടി തലസ്ഥാനത്തെത്തും. ഇവ എന്ന് നിരത്തിലിറക്കുമെന്ന് വ്യക്തമായിട്ടില്ല. രജിസ്ട്രേഷനും പെര്മിറ്റും കിട്ടിവരുമ്പോള് രണ്ടാഴ്ചയെങ്കിലും സമയമെടുക്കും. പുതിയ കമ്പനി രൂപവത്കരണവും എങ്ങുമെത്തിയിട്ടില്ല. തല്ക്കാലം കെ.എസ്.ആര്.ടി.സി.ക്ക് തന്നെയാണ് ഇവയുടെ ചുമതല.
ആദ്യ എട്ടു ബസ്സുകള്ക്കായി രണ്ട് റൂട്ടുകളാണ് നിര്ദ്ദേശിച്ചിട്ടുള്ളത്. കിഴക്കേക്കോട്ട-കോവളം- ടെക്നോപാര്ക്ക്-കണിയാപുരം റൂട്ടില് നാല് ബസ്സുകളും വെള്ളയമ്പലം-റെയില്വേസ്റ്റേഷന്-കിഴക്കേക്കോട്ട എന്നിങ്ങനെ നഗരം ചുറ്റിവരുന്ന നാല് ബസ്സുകളുമാണ് ഇവ. ഇതുസംബന്ധിച്ച് കെ.എസ്.ആര്.ടി.സിയും കോര്പ്പറേഷനും ഏകദേശ തീരുമാനത്തിലെത്തി. അടുത്ത ഏഴു ബസ്സുകള്ക്കായി രണ്ട് റൂട്ടുകള്കൂടി പരിഗണനയിലുണ്ട്. വേളി അടക്കമുള്ള വിനോദസഞ്ചാരകേന്ദ്രങ്ങളാണ് പരിഗണനയിലുള്ളത്. ആദ്യഘട്ടത്തിലെ പരീക്ഷണസര്വീസുകള്ക്ക് ശേഷമേസ്ഥിരമായ റൂട്ടുകള് തീരുമാനിക്കുകയുള്ളൂവെന്നും അധികൃതര് പറയുന്നു.
ഗിയറില്ലാത്ത ഈ ബസ്സുകള് പരമാവധി ഓട്ടോമാറ്റിക് സംവിധാനത്തിലാണ് പ്രവര്ത്തിക്കുന്നത്. എ.സി. ലോഫേ്ളാര് വോള്വോ ബസ്സുകള്ക്ക് മിനിമം നിരക്ക് 10 രൂപയും നോണ് എ.സി. ബസ്സുകള്ക്ക് അഞ്ച് രൂപയുമാക്കണമെന്നാണ് കെ.എസ്.ആര്.ടി.സി. നിര്ദ്ദേശിച്ചിട്ടുള്ളത്.
