KSRTC ബസുകള് ഇടിച്ചു രണ്ടുമരണം
Posted by Sujith Bhakthan at Tuesday, 29 September 2009
ഉദയംപേരൂര് കൊച്ചുപള്ളിക്കു സമീപം അമിതവേഗത്തില് വന്ന ബസ്, ബൈക്കിലിടിച്ചു ബൈക്ക് യാത്രക്കാരന് മരിച്ചു. ഒപ്പമുണ്ടായിരുന്ന യുവാവിനു ഗുരുതര പരുക്ക്. പെരുമ്പളം പനമ്പുകാട് സുനിത്ത് (32) ആണു മരിച്ചത്. കൂടെ സഞ്ചരിച്ച പെരുമ്പളം പ്ലാക്കാട് അനീഷ് (25) ഗുരുതര പരുക്കുകളോടെ കോട്ടയം മെഡിക്കല് കോളെജ് ആശുപത്രിയില്. ഇന്നലെ രാവിലെ 9.45നായിരുന്നു അപകടം.
സ്വകാര്യബസിനെ മറികടക്കുമ്പോള് നിയന്ത്രണം വിട്ടു ബൈക്കില് ഇടിച്ചു വഴിയരികിലുണ്ടായിരുന്ന മരത്തില് ഇടിച്ചതിനു ശേഷ മാണു നിന്നതെന്നു ദൃക്സാക്ഷികള് പറഞ്ഞു. ഇവരെ തൃപ്പൂണിത്തുറ താലൂക്ക് ആശുപത്രിയില് എത്തിച്ചെങ്കിലും സുനിത്തിനെ രക്ഷിക്കാനായില്ല. ഭാര്യ ജ്യോത്സ്് ന. മാതാവ്: രമണി. മകന്: ഉണ്ണി.
ദേശീയപാതയില് കെഎസ്ആര്ടിസിയുടെ എയര് ബസ് ഇടിച്ചു ബാങ്ക് മാനെജര് മരിച്ചു. എസ്ബിഐ ചേര്ത്തല ശാഖ മാനെജര് മുനിസിപ്പല് 28ാം വാര്ഡില് തൈപ്പറമ്പില് വര്ഗീസ് (51) ആണു മരിച്ചത്. ഇന്നലെ രാവിലെ 11നു കെവിഎം ആശുപത്രിക്കു മുന്നിലായിരുന്നു അപകടം. വര്ഗീസിന്റെ സ്കൂട്ടറിനു പിന്നില് ചേര്ത്തല- തിരുവനന്തപുരം റൂട്ടില് ഓടുന്ന എയര് ബസ് ഇടിക്കുകയായിരുന്നു. കെവിഎം ആശുപത്രിയിലും തുടര്ന്ന് എറണാകുളം മെഡിക്കല് ട്രസ്റ്റ് ആശുപത്രിയിലും പ്രവേശിപ്പിച്ചെങ്കിലും ജീവന് രക്ഷിക്കാനായില്ല. ഭാര്യ ആനിയമ്മ, മക്കള്: ടോണി, റോണി.
