കറുകച്ചാല്‍: പരമ്പരാഗത ശബരിമല പാതയായ പുതുപ്പള്ളി, കറുകച്ചാല്‍ നെടുംകുന്നം, പത്തനാട്, മണിമല, വഴി കോട്ടയത്തുനിന്നും കെ. എസ്. ആര്‍. ടി. സി. സ്പെഷ്യല്‍ ബസ് സര്‍വ്വീസ് ആരംഭിച്ചു. കോട്ടയം ഡിപ്പോയില്‍ നിന്നും ഇന്നലെ രാവിലെ ഏഴിനാണ് ആദ്യ സര്‍വ്വീസ് ആരംഭിച്ചത്.

വിവിധ ഹൈന്ദവ സംഘടനകളുടെ നേതൃത്വത്തില്‍ ഗതാഗതമന്ത്രിക്ക് നിവേദനം നല്‍കിയിരുന്നു. ആദ്യഘട്ടമെന്നനിലയില്‍ ഒരു സര്‍വ്വീസ് മാത്രമാണ് നടത്തുക. സ്പെഷ്യന്‍ സര്‍വ്വീസിന് വിവിധ കേന്ദ്രങ്ങളില്‍ സ്വീകരണം നല്‍കി പത്തനാട് ജംഗ്ഷില്‍ എന്‍. എസ്. എസ് കരയോഗത്തിന്റെയും ശിവോദയപുരം കള്‍ച്ചറല്‍ ആന്റ് ചാരിറ്റബിള്‍ സൊസൈറ്റിയുടെയും ആഭിമുഖ്യത്തില്‍ നല്‍കിയ സ്വീകരണത്തിന് സന്തോഷ് മാവേലി, ബി. ശ്രീകുമാര്‍ എന്നിവര്‍ നേതൃത്വം നല്‍കി.

പമ്പയ്ക്ക് സ്പെഷ്യന്‍ സര്‍വ്വീസ് ആരംഭിക്കുവാനുള്ള സമരപരിപാടികള്‍ക്ക് നേതൃത്വം നല്‍കിയ ഹൈന്ദവസംഘടനാ പ്രതിനിധികളെ കറുകച്ചാല്‍ 58-ാം എസ്. എന്‍.ഡി. പി. ശാഖായോഗം ഭരണസമിതി അഭിനന്ദിച്ചു.

Source: http://news.keralakaumudi.com/