കട്ടപ്പന കെ.എസ്.ആര്.ടി.സി ഡിപ്പോയിലെ സര്വീസുകള് താളം തെറ്റുന്നു
Posted by Sujith Bhakthan at Friday, 25 December 2009
ബസുകള്ക്കുണ്ടാകുന്ന ചെറിയ സാങ്കേതിക പിഴവുകള് പോലും ഡിപ്പോയില് പരിഹരിക്കാന് കഴിയുന്നില്ല. ഇതുമൂലം രാത്രി സര്വീസ് ഉള്പ്പെടെ പല ട്രിപ്പുകളും മുടങ്ങുന്നത് പതിവാണ്. ഇതു സംബന്ധിച്ച് ജീവനക്കാര് ഡിപ്പോ അധികാരികളും മേലുദ്യോഗസ്ഥര്ക്ക് പരാതി നല്കിയെങ്കിലും നടപടികള് ഉണ്ടാകുന്നില്ലെന്ന് ആരോപണമുണ്ട്.
ബസുകളുടെ വൈപ്പര് തകരാറിലായാല് പോലും സര്വീസുകള് മുടങ്ങുന്ന സ്ഥിതിയാണ് ഇവിടെയുള്ളത്. ആരംഭ കാലംമുതല് കട്ടപ്പന ഡിപ്പോയെ അധികാരികള് അവഗണിക്കുന്നതായി പരാതി ഉയര്ന്നിരുന്നു. ജില്ലയിലെ ഇതര ഡിപ്പോകളില് പുതിയ ബസുകള് അനുവദിക്കുമ്പോഴും കട്ടപ്പനയില് മാത്രം പഴയ ബസുകള് ഉപയോഗിച്ച് സര്വീസ് നടത്തേണ്ട സാഹചര്യമാണ്.
