തിരുവല്ല: തിരുവല്ലയില്‍ കെ.എസ്.ആര്‍.ടി.സിക്കു വേണ്ടി നിര്‍മിക്കുന്ന കെട്ടിട സമുച്ചയത്തിന്റെ പ്രാരംഭ നടപടികള്‍ ആരംഭിച്ചു. കെട്ടിടനിര്‍മാണത്തിന് വേണ്ടി സെറ്റ്ഓട്ട് നടത്തിയത് മന്ത്രി ജോസ് തെറ്റയില്‍ സന്ദര്‍ശിച്ചു.

35 കോടി രൂപ ചെലവ് പ്രതീക്ഷിക്കുന്ന കെട്ടിട സമുച്ചയത്തിന്റെ ഉദ്ഘാടനം ആഗസ്ത് മൂന്നിന് മുഖ്യമന്ത്രി വി എസ് അച്യുതാനന്ദന്‍ നിര്‍വഹിക്കും. 18 മാസത്തിനുള്ളില്‍ നിര്‍മാണം പൂര്‍ത്തിയാക്കാനാണ് കരാര്‍ നല്‍കിയിരിക്കുന്നതെങ്കിലും അതിന് മുമ്പ് പണി തീരുമെന്ന് പ്രതീക്ഷിക്കുന്നതായി മന്ത്രി പറഞ്ഞു. മുന്‍ ഗതാഗത മന്ത്രി  മാത്യൂ ടി തോമസ് എം.എല്‍.എയും മന്ത്രിയോടൊപ്പമുണ്ടായിരുന്നു.