‘ആനവണ്ടി’ വിവരങ്ങള് ഓണ്ലൈനില്
Posted by Sujith Bhakthan at Tuesday, 30 March 2010
കെഎസ്ആര്ടിസിബ്ലോഗ് ഡോട്ട് കോം എന്ന സൈറ്റ് വഴിയാണ് കെ എസ് ആര് ടി സി സേവനവിവരങ്ങള് നല്കുന്നത്. ഓണ്ലൈന് വഴി സേവനങ്ങള് നല്കുന്നതിലൂടെ സാമ്പത്തികപരമായി തകര്ന്നുക്കൊണ്ടിരിക്കുന്ന കെ എസ് ആര് ടിയെ ഒരു പരിധി വരെ സംരക്ഷിക്കാനാകുമെന്ന പ്രതീക്ഷയിലാണ് സൈറ്റ് നിര്മ്മാതാവ്. ബാംഗ്ലൂരിലെ എഞ്ചിനീയറിംഗ് വിദ്യാര്ഥിയായ സുജിത് ഭക്തനാണ് സൈറ്റ് രൂപകല്പ്പന ചെയ്തിരിക്കുന്നത്.
‘സ്വകാര്യ ബസുകളെ ഭയക്കുന്നുവോ? എങ്കില് സുരക്ഷിത യാത്രയ്ക്ക് കെ എസ് ആര് ടി സി ബസുകള് ഉപയോഗിക്കുക’ എന്നതാണ് സൈറ്റ് വഴി സുജിത് നല്കുന്ന സന്ദേശം. ഇത്തരമൊരു സൈറ്റ് തുടങ്ങിയതിനെതിരെ സ്വകാര്യ ബസ് ഉടമകളും തൊഴിലാളികളും ഭീഷണിയും തുടങ്ങിയിട്ടുണ്ട്. ബ്ലോഗിലും ഓര്ക്കൂട്ട് കമ്മ്യൂണിറ്റികളിലും സൈറ്റിനെതിരെ ചില സ്വകാര്യ ബസ് ഉടമകള് രംഗത്ത് വന്നിട്ടുണ്ട്.
കെ എസ് ആര് ടി സിക്ക് വേണ്ടി രണ്ടു വര്ഷം മുമ്പാണ് ഇത്തരമൊരു ബ്ലോഗ് തുടങ്ങിയതെങ്കിലും അടുത്തിടെയാണ് സജീവമായത്. സംസ്ഥാനത്തെ നിരവധി കെ എസ് ആര് ടി സി യാത്രക്കാരില് നിന്നും തനിക്ക് പൂര്ണ സഹകരണം ലഭിക്കുന്നുണ്ടെന്ന് സുജിത് പറഞ്ഞു.
സൈറ്റിന് ദിവസവും ആയിരത്തിന് മുകളില് ഹിറ്റ്സ് ലഭിക്കുന്നുണ്ട്. ബാംഗ്ലൂര്, കൊച്ചി നഗരങ്ങളിലെ യാത്രക്കാരാണ് സൈറ്റ് പ്രധാനമായും ഉപയോഗപ്പെടുത്തുന്നത്. വെബ്സൈറ്റിന്റെ കീഴില് കെ എസ് ആര് ടി സിയും പൊതുജനങ്ങളും എന്ന വിഷയത്തില് അടുത്തിടെ തിരുവനന്തപുരത്ത് സെമിനാര് നടന്നിരുന്നു
Source: Copyright © 2009 Webdunia.com
