കട്ടപ്പന KSRTC ബസ്സുകള് ലഭിക്കാതെ പുതിയ ഷെഡ്യൂളുകള് ആരംഭിക്കുന്നതിനു തടസ്സം നിലനില്ക്കുന്നു
Posted by Sujith Bhakthan at Wednesday, 17 March 2010
ഡീസല് പമ്പ് ഇല്ലാത്തതിനാല് ലോക്കല് സര്വ്വീസുകള് നടത്തുന്നതിന് കെ.എസ്.ആര്.ടി.സി. കട്ടപ്പന സബ് ഡിപ്പോയ്ക്ക് തടസ്സങ്ങള് നിലവിലുണ്ടായിരുന്നു.
പമ്പ് സ്ഥാപിക്കുന്നതിനുള്ള നടപടിക്രമങ്ങള് ഇന്ത്യന് ഓയില് അധികൃതരുമായി സഹകരിച്ച് കെ.എസ്.ആര്.ടി.സി. പൂര്ത്തിയാക്കിക്കഴിഞ്ഞു. നിലവില് ഡീസല് പമ്പില്ലാത്തതിനാല് മറ്റ് ഡിപ്പോകളിലെ പമ്പില് നിന്ന് ഇന്ധനം നിറച്ചെത്തിയായിരുന്നു പതിവ്.
നിലവില് 28 ബസ്സുകളാണ് ഡിപ്പോയിലുള്ളത്. പുതിയതായി ബസ്സുകള് ലഭിക്കാതെ എറണാകുളത്തിനുള്ള പുതിയ ഷെഡ്യൂളുകള് ആരംഭിക്കുന്നതിനും തടസ്സം നിലനില്ക്കുന്നു. ശബരിമല സീസണുശേഷം രണ്ടു പുതിയ ബസ് ഡിപ്പോയ്ക്ക് ലഭിച്ചിരുന്നു.
