ബസ് ചാര്ജ് കൂട്ടി ജനത്തിന് ഇരുട്ടടി
Posted by Sujith Bhakthan at Wednesday, 3 March 2010
പെട്രോള് ഡീസല് വിലവര്ദ്ധനയില് ജനം പൊറുതി മുട്ടിയിരിക്കുമ്പോഴാണ് നാറ്റ്പാക്കിന്റെ ഒരു ഉണക്ക റിപ്പോര്ട്ട്ന്മേല് നമ്മുടെ ഇടതു പക്ഷ സര്ക്കാര് ആ കടുംകൈ ചെയ്തത്. മിനിമം ചാര് മൂന്നര രൂപയില് നിന്നും നാലു രൂപയാക്കി. ഫാസ്റ്റ് പാസഞ്ചര് ബസ്സുകള്ക്കും മറ്റു സൂപ്പര് ക്ലാസ് ബസ്സുകള്ക്കും നിരക്കു വര്ദ്ധന ബാധകമാണ്. 5 രൂപ മുതല് 30 രൂപ വരെയാണ് മറ്റു ബസുകളുടെ നിരക്കുകള് വരുന്നത്.
ഇനി മുതല് ചെറിയ യാത്രകള്ക്ക് സൂപ്പര് ഫാസ്റ്റ് ബസ്സുകളെ ആശ്രയിക്കാനും നിവൃത്തിയില്ലാണ്ടായി. കാരണം മിനിമും ചാര്ജ് 10 രൂപ നല്കണം.
കെ വി രാവീന്ദ്രന് നായരുടെ റിപ്പോര്ട്ട് അനുസരിച്ച് ഒരു യാത്രക്കാരനു മിനിമും നിരക്കില് യാത്ര ചെയ്യാവുന്ന ദൂരം മിനിമും ചാര്ജ് ഡിവൈഡഡ് ബൈ ഒരു കിലോമീറ്റര് ദൂരത്തിന്റെ ചാര്ജ്. അതായത്, മിനിമും ചാര്ജ് 4 രൂപ ആണെങ്കില് 4/0.55 = 7.27 കിലോമീറ്റര് സഞ്ചരിക്കാന് കഴിയണം.
ഇവിടെയണ് ഫെയര് സ്റ്റേജ് നിര്ണയത്തിലെ അപാകത പതുങ്ങി ഇരിക്കുന്നത്. ഇപ്പോള് നമ്മുടെ നാട്ടില് മിനിമും ചാര്ജായ 4 രൂപക്ക് എത്ര കിലോമീറ്റര് സഞ്ചരിക്കാന് കഴിയും?
ഇതു നാം ഗൌരവമായി ചിന്തിക്കേണ്ട ഒരു കാര്യം തന്നെയാണ്. ബസ്സു കൂലി കൂട്ടുന്നതിനായി ബസ്സുകാര് സമരം ചെയ്യുന്നതു പോലെ ബസ്സു കൂലി കുറയ്ക്കണമെന്ന ആവശ്യവുമായി ജനങ്ങള്ക്ക് ബസ് ഉപരോധിച്ചു സമരം ചെയ്യാനാകുമോ?
ഇവിടെ പാവം ജങ്ങള് തന്നെ മണ്ടന്മാര്.
അതിനൊക്കെ നമ്മുടെ അയല് സംസ്ഥനമായ തമിഴ്നാടിനെ കണ്ടു പടിക്കണം. ലോകം അവസാനിക്കുമെന്നു പറഞ്ഞാലും ബസ്സു കൂലി കൂട്ടില്ലെന്ന ഉറച്ച നിലപാടിലാണ് കരുണാനിധി. ബസ്സു കൂലി കൂട്ടരുതെന്ന കരുണാനിധി അധികൃതര്ക്കു നിര്ദ്ധേശം നല്കിയതായി ഇന്നലെ ഒരു പത്രത്തില് കാണുകയുണ്ടായി. എന്നാല് നേരേ മറിച്ച് നമ്മുടെ നാട്ടില് എന്താണ് നടക്കുന്നത്?
ഒരു വലിയ സംസ്ഥാനമായ തമിഴ് നാട്ടില് ഓടുന്ന ബസ്സുകളുടെ 20 ശതമാനത്തിലധികം ബസ്സുകളെങ്കിലും കേരളത്തിലിന്നുണ്ട്. നാല്പതിനായിരം പ്രൈവറ്റ് ബസ്സുകളും ആറായിരത്തിനടുത്ത് ട്രാന്സ്പോര്ട്ടു ബസ്സുകളുമാണ് കേരളത്തെ പോലെയുള്ല ജന സാന്ദ്രത കൂടിയ ഈ സംസ്ഥനത്ത് ചീറിപാഞ്ഞ് ഓടുന്നത്. ഈ ഒരു കാരണം തന്നെ ബസ്സുകളുടെ കളക്ഷന് കുറയുവാന് കാരണമാകുന്നു.
"The K.V.Rabindran Nair(former chief Secretary) Commission report highlights abnormality of minimum charges by which a passenger is able to travel only 2Kms. In his report- Page 49 Para 24 :- The commission recommends that The distance to be traveled for minimum charge should be the minimum charge divided by the kilometer ordinary rate distance."
അതുകൊണ്ടു തന്നെ ഗവര്ണ്മെന്റ് തന്നെ മുന്കൈ എടുത്ത് ഫെയര് സ്റ്റേജ് പുനര്നിര്ണ്ണയിക്കുകയും യാത്രക്കാരന് അവനവകാശപ്പെട്ട നീതി ലഭിക്കുന്നുവെന്ന് ഉറപ്പാക്കുകയും ചെയ്യുക.
