തിരുവല്ലയില് കെ എസ് ആര് ടി സി മാമാങ്കം
Posted by Sujith Bhakthan at Thursday, 5 August 2010
തിരുവല്ലയുടെ ചരിത്രത്തിലെ ഏറ്റവും വലിയ വികസന സ്വപ്ന പദ്ധതിക്ക് വന്ജനാവലിയെ സാക്ഷിയാക്കി മുഖ്യമന്ത്രി വി. എസ്. അച്യുതാനന്ദന് ശിലയിട്ടു. കെ. എസ്. ആര്. ടി. സിയുടെയും കെ. ടി. ഡി. എഫ്. സിയുടെയും സംയുക്ത സംരംഭമായ തിരുവല്ല ബസ് ടെര്മിനല് കം ഷോപ്പിംഗ് കോംപ്ളക്സ് സംസ്ഥാനത്തെ ഇത്തരത്തിലുള്ള നാലാമത്തെ പദ്ധതിയാണ്. 42 കോടി രൂപ ചെലവഴിച്ച് 12 നിലകളിലായാണ് കെട്ടിടത്തിന്റെ നിര്മ്മാണം. 2008ല് ആണ് നിര്മ്മാണം ആരംഭിക്കാന് അനുമതി ലഭിച്ചത്. 24495 ചതുരശ്ര മീറ്റര് വിസ്തൃതിയിലുള്ള കെട്ടിടത്തിന്റെ പദ്ധതി 2009ല് അംഗീകരിച്ച് ഭരണാനുമതി നല്കി.
തറനിരപ്പിന് താഴെ രണ്ട് നിലകള് ഉള്പ്പെടെ 12 നിലകളിലുള്ള സമുച്ചയവും നാല് നിലകളിലുള്ള അഡ്മിനിസ്ട്രേറ്റീവ് ബ്ളോക്കുമാണ് നിര്മ്മിക്കുന്നത്. എസ്റിമേറ്റ് തുകയേക്കാള് 19.7 ശതമാനം കൂടുതല് ആവശ്യപ്പെട്ട മുംബയിലെ നരേഷ് ട്രേഡേഴ്സ് എന്ന കമ്പനിയാണ് കരാര് ഏറ്റെടുത്ത് നിര്മ്മാണം നടത്തുന്നത്. കെ. എസ്. ആര്. ടി. സിയുടെ അത്യാധുനിക കെട്ടിട സമുച്ചയങ്ങളില് ജില്ലയിലെ ആദ്യത്തേതാണ് തിരുവല്ലയില് നിര്മ്മിക്കുന്നത്.
Source: Kerala Kaumudi
